மல்லையாவே...
உன் கம்பெனி பாட்டில் கூட தீபாவளி கொண்டாடுகிறது
- என் நண்பர்களின் ராக்கெட் லாஞ்ச பேடாக!
என்ன தவறு செய்தார்கள் உன் ஊழியர்கள்?
Tuesday, November 13, 2012
பாட்டிலுக்குள் ஒரு தீபாவளி!
மல்லையாவே...
உன் கம்பெனி பாட்டில் கூட தீபாவளி கொண்டாடுகிறது
- என் நண்பர்களின் ராக்கெட் லாஞ்ச பேடாக!
என்ன தவறு செய்தார்கள் உன் ஊழியர்கள்?
Friday, August 17, 2012
நீ
குழந்தை
கிறுக்கிய கிறுக்கல் நீ
சிறுவன்
அடித்த அரை பெடல் நீ
கார்முகில்
கண்ட கருமை நீ
கன்னிப்
பெண்ணின் கண்மை நீ
நண்பன்
நவின்ற நன்றி நீ
முதியோர்
முகத்தின் சுருக்கம் நீ
காதல்
தீட்டிய கடிதம் நீ
பெயரிட முடியாக் கவிதை நீ!
Saturday, June 16, 2012
வானவில்
மகிழ்ச்சி மழையில்
வானம் கொண்டாடும் ஹோலிப் பண்டிகை!
ப்ளாக் அண்ட் ஒயிட் கண்களால்
மழைப்பெண் கண்ட கலர் கனவு!
மழை உண்ட மகிழ்வில்
மேகம் போட்ட வெற்றிலைப்பாக்கு!
வானக் கல்லூரியில் விண்மீன்
விட்டுச்சென்ற வண்ண ஆட்டோகிராப்!
பூமியின் காதலுக்கு வானம் காட்டிய
பஞ்சவர்ண பச்சைக்கொடி!
நிலமகள் சீதைக்கு வான ராமன்
வளைத்த வண்ண வில்!
Saturday, June 9, 2012
பசலை
பனியுரு காலையில்
விண்மீன் சாலையில்
சிறுபிள்ளை தேடலில்
உறுபசி கூடலில்
பார்த்தேனே உன் கண்மையை
கோர்த்தேனே நம் இரு மெய்யை
பிறிந்தேனே என் இனிமையை
அறிந்தேனே - உன் இன்மையை
இதயம் நையப்பட்டது
கனவு கொய்யப்பட்டது
நெய்தல் நெய்யப்பட்டது
பசலை செய்யப்பட்டது!
Thursday, February 16, 2012
இலக்கணக் காதல்
என் காதலின் உவமை நீ.
உன் காதலின் உவமேயம் நான்.
வாழ்வதே நம் காதலின் உருவகம்.
நீ இல்லாத நான் ஒரு பொருள் எச்சம்!
காதலின் தொல்காப்பியமே..
என்னோடு கலந்து காதலின் ஆகுபெயர் ஆகிவிட வா..
Wednesday, January 25, 2012
Saturday, January 7, 2012
Subscribe to:
Posts (Atom)