வானவில்

மகிழ்ச்சி மழையில்
வானம் கொண்டாடும் ஹோலிப் பண்டிகை!

ப்ளாக் அண்ட் ஒயிட் கண்களால்
மழைப்பெண் கண்ட கலர்  கனவு!

மழை உண்ட மகிழ்வில்
மேகம் போட்ட வெற்றிலைப்பாக்கு!

வானக் கல்லூரியில் விண்மீன்
விட்டுச்சென்ற வண்ண ஆட்டோகிராப்!

பூமியின் காதலுக்கு வானம் காட்டிய
பஞ்சவர்ண பச்சைக்கொடி!

நிலமகள் சீதைக்கு வான ராமன்
வளைத்த வண்ண வில்!

Tweet

பசலை

பனியுரு காலையில்
விண்மீன் சாலையில்
சிறுபிள்ளை தேடலில்
உறுபசி கூடலில்

பார்த்தேனே உன் கண்மையை
கோர்த்தேனே நம் இரு மெய்யை
பிறிந்தேனே என் இனிமையை
அறிந்தேனே - உன் இன்மையை

இதயம் நையப்பட்டது
கனவு கொய்யப்பட்டது
நெய்தல் நெய்யப்பட்டது
பசலை செய்யப்பட்டது!

Tweet